بسم الله سيرى مجراكى ومسراكى يا مدونتى

كانت ليا تجربه سابقه فى التدوين
shayblaban.blog.com
وقد حظيت بفشل منقطع النظير لسبب بسيط جدا وهوه انه مكنش فيها اى حاجه :) ..بسبب عدم انتظامى فى الكتابه,
ولانى تشأمت من المدونه القديمه وبقت "قدمها وحش عليا"....قررت انشاء المدونه دى ,
واللى بتمنى انها لو محقتش نجاح باهر ...على الاقل متفشلش بالطريقه الى فشلت بيها مدونتى القديم.
شاى بلبن............ملهاش اتجاه محدد...لا سياسيه ولا فنيه ولا رياضيه ولا ادبيه ولا دينيه,
شاى بلبن...........مبتنتميش لأى حد....لا اخوان ولا علمانين ولا غد ولا ناصريين وبالطبع لا تنتمى للحزب الوطنى او جيل المستقبل او اى شىء يمت بصله للحكومه واتباعها بالحرس الجديد او القديم و المتوسط,
شاى بلبن........... تنتمى ليا ولدماغى ولوجهه نظرى الشخصيه التى قد تحتمل الصواب او الخطأ,
شاى بلبن.......زى ما قلت انها بتنمى ليا وبتعبر عنى...اتمنى انكم تلاقوا نفسكم جواها وتكون بتتكلم بلسانكم كمان,
شاى بلبن..........ملهاش معاد تصدر فيه....بس فيه شبه التزام انها تصدر كل اربعاء على قدر المستطاع(تيمنا بموعد صدور العدد الاسبوعى للدستور),
شاى بلبن.........احتمال "احتمال مؤكد يعنى" ان تحتوى على العديد من الاخطاء النحويه...لانى مش بكره فى حياتى غير الجغرفيا والنحو فمفيش داعى تدققوا معايا اوى ....ايه يعنى لما اقول "ان المدونون اخوه" بدل "ان المدونين اخوه"؟؟؟الدنيا مش هتنهار يعنى..اتفقنا؟؟,
شاى بلبن........خدوا راحتكم :)